(+995) 593548507
info@visitkutaisi.com
ბროშურა 2017 / 2015 / 2014
USD2.7468
EUR3.0943
ქუთაისი
ბაღი

ქუთაისის ცენტრალური ბაღი „ბულვარის“ სახელითაა ცნობილი. 1820 წლამდე იმერეთის მეფე სოლომონ I_ის ასულის დარეჯანის მფლობელობაში იყო. ბაღი ხილნაირი მცენარეებისაგან შედგებოდა, ასულმა იგი შემდეგ ხაზინას გადასცა და საზოგადოებისთვის სასეირნო ადგილად გამოცხადდა. ბაღს შეემატა იმ დროისთვის ცარიელი „სახაზინო“ მიწები. 1840 წელს დაიწყო მისი გეგმაზომიერი განაშენიანება. ბაღი ოთხკუთხა ფორმის იყო, შემოვლებული ქონდა წითლად შეღებილი ხის მოაჯირი. მთელ სიგრძეზე არსებული დიდი ხეივნის გარდა კიდევ იყო ორი ხეივანი, რომლებიც გადაკვეთისას ჯვრის ფორმას ქმნიდნენ, მოწყობილი იყო მუსიკისა და ცეკვისთვის მოედანი, შუაგულში იყო აუზი, ბაღის კუთხეში იდგა აგურით ნაშენი პატარა კაფე. ირგვლივ ქვაფენილი დააგეს.

იგი მარტო გართობისა და დასვენების ადგილი არ იყო. მალე საზოგადოებრივი ცხოვრების ერთ_ერთ ცენტრად იქცა. 1870_იანი წლებიდან როცა ქალაქში თვითმმართველობა დამკვიდრდა, წერა_კითხვის გამავრცელებელი საზოგადოება და სათავადაზნაურო ბანკი დაარსდა. საჭირო იყო ხელმძღვანელობის არჩევა, ამიტომაც ჩამოსული თვადაზნაურები თავს იყრიდნენ „ბულვარში“ და როგორც დიდი პოეტი აკაკი ამბობდა: „იგი პარლამენტს ემსგავსებოდა“. აქ დაობდნენ , არჩევდნენ კანდიდატებს, ახარისხებდნენ და ქმნიდნენ საზოგადოებრივ აზრს. ეს მარტო მაშინ არ ხდებოდა. დღეს ამ ბაღში იგივე პროცესი გრძელდება, ხუმრობა, არაჩვეულებრივი იუმორი, ანეგდოტი, აქ იბადება ძირითადად საღი აზრი. „ბულვარმა“ დიდი როლი შასრულა პროფესიული თეატრის ისტორიაშიც. 1888 წელს ქუთაისს რუსეთის იმპერატორი ალექსანდრე III ეწვია. ბაღის ცენტრალურ ნაწილში დასახვედრად ხის პავილიონი ააგეს. შემდეგ აღება უნდოდათ, მაგრამ ქუთაისს თეატრის შენობა არ გააჩნდა და მისმა ხელმძღვანელობამ ეს პავილიონი თეატრად გადააკეთა. 1891 წელს გადაკეთებულ შენობას „ბაღის თეატრი“ უწოდეს. 1894 წელს ხანძარმა შთანთქა იგი. 1905_07 წლის რევოლუციის დროს „ბულვარი“ მასების თავშეყრის ადგილი გახდა.

1908 წელს ქუთაისის საზოგადოებამ აღნიშნა „ბულვარში“ აკაკის მოღვაწეობის 50 წლის თავი. აკაკი წერთლის ძეგლი ბაღში დაიდგა 1940 წელს, მისი რესტავრაცია მოხდა 1984 წელს.

 

ტურისტული მარშრუტები

გსურთ ნახოთ იმერეთი, მაგრამ არ იცით საიდან დაიწყოთ? ჩვენ თქვენთვის მოვამზადეთ მარშრუტები რეგიონის ირგვლივ, რომლებიც მიგიყვანთ საინტერესო ბუნებრივ სანახაობებთან, ისტორიულ ძეგლებთან და კლტურულ ატრაქციონებთან. თუ გაჰყვებით ამ ბილიკებს, თქვენ შესაძლებლობა გექნებათ ესტუმროთ ნამდვილ იმერულ „მარგალიტებს“- ათასწლოვან მონასტრებს, ისტორიულ შენობებს, ბუნების გასაოცარ სანახებს, მთებს, კანიონებს, მღვიმეებს, ჩანჩქერებს, მდინარეებს, ტბებს და ბევრ სხვა სანახაობებს. გექნებათ ასევე შესაძლებლობა გასინჯოთ უგემრიელესი ქართული კერძები და ღვინო. თვალი გადაავლეთ ჩვენს შემოთავაზებებს და აღმოაჩინეთ იმერეთი!.

შეკითხვების შემთხვევაში მოგვწერეთ ელექტრონულ ფოსტაზე ან დაგვირეკეთ:

ელ-ფოსტა:  info@visitkutaisi.com
ტელოეფონი: (+995) 593 548 507, (+995) 557 263 153

 

ქუთაისის რუკა

ძიება ვებგვერდზე

მისამართი: საქართველო, ქუთაისი, 4600. გორკის ქ #18
ელ-ფოსტა:info@visitkutaisi.com
ტელეფონი: (+995)593548507


The Project co-financed by the Polish development cooperation programme of the Ministry of Foreign Affairs of the Republic of Poland.